SBU MAMBA
Kuzohlehla ufishi kuma Finals eMTN 8 ozobe uphakathi kwe zinsizwa zase Capetown i-Stellenbosch nezakaMagebhula ezagebhula umhlaba kaMaspala ezimnyama ngenkani Amabhakabhaka i-Orlando Pirates , iPirates ikhiphe kabuhlungu izinkunzi zase Pitoli ama Brazillians iMamelodi Sundowns sekushaywa amaphenathi , uMagebhula unqobe ngo 3-1 emlenzeni wesibili we MTN 8 ngesonto elidlule obuse Lucas Moripe Stadium, umlenze wokuqala waphela ngo 1-1 kwesika maMinzela isigodi e-Orlando Stadium . Kanti amaStellis azigwazela ibhece ku Sekhukhune United emlenzeni wokuqala anqoba ngo 2-0 kowesibili umdlalo uphele ngo 1-0 , i-Aggregate kwaba 3-1 kuphumelela i-Stellebosch .
Kukhona okusina kumjeqeza umqeqeshi weMamelodi Sundowns uMiguel Cardoso , usenyamana mbana nakubalandeli ngenxa yokuhlulwa yi Pirates kanti nemidlalo yeBetway Premiership akayiqalanga kahle , ulahle amaphuzu bedlala ngokulingana neChippa United 1-1. Ngemuva kokuwashiswa ijezi amabhakabhaka abalandeli baMasandawana badinwe bagana unwabi bavimba ibhasi labadlali be Sundowns bememeza bethi akaxoshwe u-Cardoso , ngesikhathi isaqeqeshwa izinkunzi oPitso Mosimane noRulani Mokoena iSundowns yayidlala ibhola elinenkosi phakathi futhi yayingashawa kakula yayiwina ngo 6-0 ,3-0, 4-1, 7-1 kodwa lena ka Cardoso ishaywa namavukane oMagesi FC omafikizolo ku PSL . Iqembu elibukeka lizoba yingozi kulesizini abafana bokuthula noxolo iKaizer Chiefs , impofana iyiqale kahle kakhulu isizini entsha yeligi , inqobe imidlalo emithathu kulandela yakhala yemuka namaphuzu ayisishiyagalolunye yahlala
esicongweni seligi , asisho ukuthi izoyithatha iligi kodwa zikhona izimpawu zokuthi bazoqeda endaweni enhle kulesizini entsha ye-Betway Premiership 2025/26 .Kanti futhi umqeqeshi we Chiefs uNassreddine Nabi ubenenhlanhla izikhulu zeqembu zimthengele abadlali abasezingeni eliphezulu , iChiefs izogijima emqhudelwaneni wase Africa ngenyanga ezayo i-CAF Confederation Cup .
