ZAMA MAJOLA
Abaqaphi abangu-500 bazobe bephethe ogwini lweTheku ngesikhathi samaholidi. UDkt Simphiwe Ndlovu, iNhloko yezokuNgcebeleka namaPaki eThekwini, uthi abaqaphi bamaholidi abaqashwe ngokugcwele balungiselela amaholidi. “Silindele izivakashi ezingaba ngu-100,000 kuya ku-120,000, okuyinto evame ukwenzeka ngesikhathi samaholidi kaKhisimusi” kusho uNdlovu.
NgoLwesithathu lo mhlaka 5 Novemba, umasipala ubunomcimbi obuseMoses Mabhida Stadium wokuqhakambisa abahlengi nonogada bezindawo zamanzi ngemizamo yabo yokunciphisa ukuminza kwabantu. Abahlenga izimpilo zabantu banikezwa izitifiketi zokubonga ngomsebenzi wabo. Ngokusho kweLifesaving South Africa, iKZN ibe nesibalo esiphezulu sabantu abaminza olwandle namachibi ngoNovemba nangoDisemba nyakenye. Kodwa uNdlovu uthi bazilungiselele kangcono kule sizini.
