EZOMPHAKATHI

Amakhansela e-ACDP eThekwini aholwa nguKhansela  Simo Gumede agxile ekusizeni umphakathi waseMalukazi, kuWadi 89 ngosuku lwamalungelo abantu.

Umncintiswano kuthungathwa ithalente weGospel Icon Discovery (GID) usubuyile. Abaculi bevangeli abasafufusa bayakhuthazwa ukuthi bahambele inhlolokhono eqale kusukela ngomhlaka-26 kuMashi kuya kuMhlaka 23 Ephreli ezindaweni ezahlukene ngaphansi kwaMaspala weTheku. Kulonyaka kuzobe kungunyaka wesi-10 i-GID yaba khona, kanti iwu mncintiswano okuhloswe ngawo ukuvundulula ithalente labaculi bokholo abasafufusa.

Umphakathi uyakhuthazwa ukuthi ubike ukwebiwa kwamakhebuli. Lo msebenzi ongekho emthethweni unomthelela omubi kumabhizinisi nakubahlali. Umkhandlu wedolobha iTheku usebenzise imali engaphezu kuka-R40 million ukubuyisela u-6 Tons wamakhebuli ebiwe onyakeni wezimali odlule.

Ukutshontshwa kwemfuyo kwaZulu-Natali sekudale ukuthi owesilisa uThabiso Mncwabe asungule iNhlangano ebizwa nge-Microchip Livestock security ebambisene ne Protect All People In South Africa okuyinkampani ka Dktl. Dlamini ezoqhuba lomsebenzi wokusiza imiphakathi entshontshelwe imfuyo.

Sezingaphezu kuka 1000 izinja esezigomele isifo samarabi eMlazi. IDolobha iTheku ngokubambisana noMnyango wezoLimo nokuThuthukiswa kwazindawo zaseMakhaya.

Umndeni wowesilisa wakwa Ngcobo eMzinyathi, eThekwini, uzama ukuthola umkhondo wendodana yawo engaziwa ukuthi ikuphi sekuphele unyaka yanyamalala.

UNgqongqoshe wezemiSebenzi yoMphakathi kanye neNgqalasizinda, uPatricia de Lille, usegunyaze ukukhishwa komhlaba ongamahektha angu-2.8 kwi-Agent yokuThuthukiswa kweZindlu (HDA) ukuze kuthuthukiswe ukuhlaliswa kwabantu kanye nokwenziwa ngokusemthethweni kwendawo ekhona kuMasipala uMsunduzi KwaZulu-Natal. Lokhu kulandela isicelo se-HDA somhlaba eMnyangweni, okuholele ekutheni uNgqongqoshe asayine ukukhululwa kwalo mhlaba ngokoMthetho weState Land Disposal Act.

Usaziwayo kwezikamabonakude (TV) kanye nakwezomculo weGospel uMnu. Nkanyiso
Bhengu wethule umkhankaso wokuqwashisa ngokukhuluphala ngokweqile (Obesity)Lokhu
kuhlaluke ngesikhathi ebambe imashi esigcemeni sakwaZ eMlazi, eze yaphelela e-Ogwini
Comprehensive High School ngoMgqibelo womhlaka 4 Mashi.

Ithimba labaLimi besifazane baseMgababa ISiyaphambili Womens Club benza umehluko, lokhu kuvele esitatimendeni abasithumele sithe, Ikilabhu yaseNgadini eMgababa isiphenduke umthombo wobungani, ubudlelwano kanye nokufundisa kubalimi besifazane abawu-11.