ESITHOMBENI-IPhini likaNgqongqoshe wehhovisi likaMengameli wezwe, uMnu Kenny Morolong (MP), lihambisana namalunga eBhodi le MDDA, CEO kanye neziphathimandla zesiteshi se-Highway Radio –ISITHOMBE: sithathwe ku Facebook page ye MDDA
NOMTHANDAZO MAGOSO
NgoLwesihlanu, mhlaka 8 kuNhlaba 2026, iBhodi ye-Media Development and Diversity Agency (MDDA), ebiholwa iPhini likaNgqongqoshe wehhovisi likaMengameli wezwe, uMnu Kenny Morolong (MP), uvule ngokusemthethweni ama-studios esimanje esebenza ngobuchwepheshe obuphelele bedijithali e-Highway Radio nase-Good News Community Radio (GNCR) eThekwini, KwaZulu-Natali .UNgqongqoshe ubehambisana namalunga ebhodi(board members) oyiphini Director Mr Sandile Nene, Ms Moipone Malefane, Ms Shoeshoe Qhu (CEO), kanye Mr Ayabulela Poro
Lokhu kuvulwa kuyingxenye yemizamo eqhubekayo ye-MDDA yokusekela nokukhuthaza ukuthuthuka ukusimama kwabezindaba zomphakathi eNingizimu Afrika.
I-Highway Radio iyisiteshi somphakathi samaKrestu esiseThekwini esisakaza ngesiNgisi, isiZulu nesiBhunu. Sisakaza endaweni yedolobha laseThekwini nasezindaweni ezingomakhelwane kusukela ngo-1995.
Okuqukethwe kuso kugxile empilweni yobuKrestu, emculweni wevangeli, nasezingxoxweni ezithinta umphakathi. Iqondiswe ikakhulukazi kubalaleli abaneminyaka engu-24 kuya ku-49.
I-Highway Radio ifinyelela ezindaweni ezifana ne-KwaMashu, Isipingo, Amanzimtoti nase-Pietermaritzburg. Yaziwa ngezinhlelo zayo ezakhiwe umphakathi nokuqukethwe okungokwenkolo, futhi inikeza amathuba okukhangisa amabhizinisi endawo ukuze axhumane ngqo nomphakathi.I-Good News Radio (GNCR) nayo ithole ama-studio asebenza ngobuchwepheshe besimanje
