SBU MAMBA
IKaizer Chiefs abafana bokuthula noxolo baphinde baphoxa abalandeli behluleka kuqeda ku Top ye- Betway Premiership 2025, Amakhosi adlale ngokulingana (0-0) nezinsizwa zaseLimpopo iPolokwane Ciy emdlalweni wokugcina weligi lomphumela uchaza ukuthi ezika Shintsha Guluva ngeke zigijime ku-MTN TOP 8 ngesizini ezayo ka-2025/2026 , impofana isihluleke iminyaka emibili kulandelana ukungena kolomqhudelwano odlalwa ayishiyagalombili ekuqaleni kwesizini.
Amaqembu azogijima ku-MTN 8 ngesizini ezayo iMamelodi Sundowns , Orlando Pirates , Stellenbosch , Sekhukhune United , TS Galaxy , Amazulu FC , Polokwane City , neNatal Richboys iRichardsbay FC , amakhosi ngeke alubhade kulomqhudelwano ka-2025/2026 njengoba iqede endaweni yesishiyagalolunye. Kodwa izindaba ezinhle kubalandeli bempofana ukuthi abafana bokuthula noxolo bazogijima emidlalweni ye-CAF Confederation Cup izohamba nezinsizwa zaseKappa iStellenbosch kanti Amabhakabhaka azogijima kuCAF Champions League namaSandawana iMamelodi Sundowns. Izinsizwa zaseThekwini iDurban City izonyukela esigabeni esiphezulu iBetway.
Premiership ngonyaka ozayo kanti Amatsantsantsha iSupersport United izodlala ama Play-offs. IRichards bay edume ngokuvika izembe ithuse abaningi ingena ku Top 8 emdlalweni wokugcina.
Umqeqeshi weChiefs uNassreddine usephinde wacela ezikhulwini eziphezulu zeKaizer Chiefs ukuthi bamthengele abadlali abasezingeni eliphezulu, ngesizini edlule abaphathi bamthengela izitobha ezingi nonozinti kodwa kulokhu ucele ukuthi bamthengele abagadli izinsizwa azogadla ngazo ku-CAF Confederation Cup, uNabi uselukhiphile uhlu lwabadlali abafunayo , kubagadli ufuna uFiston Kalala Mayele ogijima kuPyramids FC , Feisal Feitoto Salum odlalela i-Azam FC , Davin Titus ogijima ku Stellebosch FC , uMoremi odlalela uSuthu Amazulu FC , oShwin Apollis wePolokwane City no Monnapule Saleng ogijima kuPirates.
