U-MEC woMnyango Wezokubusa Ngokubambisana Nezindaba Zomdabu KwaZulu-Natali (KZN COGTA), uMfundisi Thulasizwe Buthelezi

U-MEC woMnyango Wezokubusa Ngokubambisana Nezindaba Zomdabu KwaZulu-Natali (KZN COGTA), uMfundisi Thulasizwe Buthelezi, uzwakalise ukukhathazeka ngemibiko yabezindaba ethi abasebenzi bakaMasipala wesiFunda saseZululand abawatholanga amaholo abo kaSepthemba.

Njengoba uMasipala ungakakhiphi isaziso esisemthethweni ngalolu daba, uButhelezi uyalele iNhloko yoMnyango we-KZN COGTA, uMnu Scelo Duma, ukuba:

1. Iphenye ngokushesha imbangela yokungakhokhelwa kwamaholo.
2. Ithole isixazululo esizoqinisekisa ukuthi amaholo ayakhokhwa kungakapheli amahora angu-48.
3. Iqinisekise ukuthi izikhulu ezinesibopho ngalokhu kuphathwa budedengu kwezimali zithathelwa izinyathelo.

“Ngeke sibekezelele noma yimuphi umasipala ongawahloniphi amalungelo abasebenzi, kungaba seMpendle noma eZululand. Sizothatha izinyathelo ngaphandle kokwesaba noma ukuchema,” kuphetha uButhelezi.

Author: SHEILA MHLONGO

Please leave this field empty

Joyina Umndeni Wethu

We don’t spam! Read our privacy policy for more info.

Check your inbox or spam folder to confirm your subscription.