Ngokwami amalungelo ethu ayahlonishwa kwezemfundo ikakhulukazi, ngibona konke kusahamba kahle kodwa kwezemisebenzi ngibona singanakiwe futhi singahloniphekile ikakhulukazi ithina njengabantu besifazane.
Umbono wami uthi yebo ayahlonishwa amalungelo ethu emindenini kwezothando, ekuvikelekeni emphakathini kanjalo nasekunakekeleni ikakhulukazi abantu abadala.
Amalungelo ethu awahlonishwa lokho ngikushiso izinto engizibuka zenzeka emhlabeni mihla namalanga. Ikakhulukaz ikwezothando, uma abantu bethandana ayikho into enika oyedwa wabo imvume yokuthi uma ningasaboni ngaso linye ngempilo wehlise isithunzi sakhe, umhlukumeze lokho usuke ubulala ilungelo lomuntu.
Okungiphathakabi eyokucwaswa kwethu engathi uma ukhubazekile unokugula, abantu abasihloniphi futhi abasithathisi okwabantu abaphilayo,kakhulukazi thina esinokukhubazeka okungavelile obala ngisho ngoba ngazalwa ngingezwa endlebeni eyodwa uma umuntu ungamuzwanga uzozwa esekuthuka noma akubize ngawo wonke amagama, unempakamo, uyazitshela kanti awumuzwanga.
Umbono wami ngabantu abakhubazekile ukuthi bazizwa bephephile uma kuphephile lapho abakhona, kanti futhi babuye bazizwe bengaphephile ikakhulukazi uma kunemibhikisho bona bengabe besaba nayo intuba yokudlula ikakhulukazi uma behamba ngesihlalo esinamasondo ”wheelchair”.
Engingakuveza kakhulu ngokukhubazeka kwami inkinga engihlangabezana nayo ukuthi thina asilutholi usizo ngeqiniso, nasothandweni noma ungathandana okanye ubenobudlelwano nomuntu wakho uthole ukuthi yena uyakwamkela ubunjalo bakho kodwa kubo bengakwamkeli nhlobonhlobo.
Ayikaze ibeyinhle inhlalo njengoba ngikhubazekile okokuqala asiwatholi amathuba omsebenzi, asizitholi izindlu zokuhlala ezifanele thina. Sicela ukubhekeleka nathi kungabi sengathi asikho kodwa kokunye siyadingeka ukuba siziveze njengabahlali noma ingxenyeyomphakathi.
Usuku lwamazwe ngamazwe lwabantu abakhubazekile lolusuku olugujwa minyaka yonke lumayelana nokuqhakambisa amalungelo nenhlalakahle yabantu abakhubazekile kuwo wonke amazinga omphakathi nentuthuko,…
Ukuhlukunyezwa kwabantu besifazane akumele engabe kuyenzeka ngoba into engalungile futhi enomthelela omubi njengoba abanye sike sizwe ukuthi bagcina bedlwengulwa, abanye bashaywe balimale ngendlela embi kodwa akugcini njelapho kuphela abanye bagcina ngokulahlekelwa izimpilo zabo okuyinto ekhombisa udlame ezweni.
Ukuhlukunyezwa kwabesifazane kunomthelela omubi emndenini,emphakathini kanti kugcina kuphazamisa izingane ngokwempilo. Ziphazamiseka nasenqondweni zigcine zingasakwazi nokufunda kahle esikoleni
