Amaphoyisa kaMasipala naweSouth African Police Service abophe umsolwa wesilisa nababili abehamba nabo ngemuva kokuthi begcwalise uphethroli emotweni yabo base bezama ukubaleka bengakhokhile. Laba basolwa abathathu, okusolakala ukuthi bangabaseWentworth, baboshwe ngemuva kokujahwa ngamaphoyisa kaMasipala.
Owesifazane uNksz Fundile Mcoyi (26) usiza abasafufusa ukukhulisa amabhizinisi echaza ezinkundleni zokuxhumana ngokwenze wasungula i-Aliment Consultants Marketing ngo-2017 uthe, lena inkampani esiza osomabhizinisi ikakhulu abanamabhizinisi angakachumi ukubamakethela amabhizinisi abo, ngibachushise nangamasu okumele bawenze ukuze akhule.
UNgqongqoshe wezokuVakasha uPatricia De Lille uthi ukuhamba ngendiza nokuhweba ezimakethe zamazwe ngamazwe kuyinto ebalulekile ekukhuleni komnotho wezwe. Izwe lase Ningizimu Afrika lamukele indiza yokuqala esuka eChina iya eGoli ngoLwesithathu lapho izivakashi zifikela khona esikhumulweni sezindiza i-OR Tambo International.
Ofakazi BakaJehova emhlabeni wonke sebebuyele ngokugcwele emihlanganweni emikhulu lokhu kulandela ukuma isikhathi eside ngenxa yeCOVID 19.
Ikomidi lesiShayamthetho saKwaZulu-Natali elibhekele ukuBusa ngokuBambisana neziNdaba zoMdabu lincome imizamo kaMasipala weTheku yokusheshisa ukulethwa kwezidingongqangi eDolobheni kulandela izikhukhula zango-Ephreli ngonyaka odlule.
Enyakatho ngasogwini lesifundazwe iKwaZulu-Natali ilapho kutholakala indawo iJozini, lendawo ingenye yezindawo ezinama damu amakhulukazi kuleli njengoba ine Pongolapoort Dam kodwa yize izakhamuzi ziseduze naleli damu ziyawahluphekela amanzi ahlanzekile.
UNgqongqoshe eHhovisi likaMengameli obhekelele uGesi, uKgosientsho Ramokgopa, uthe unethemba lokuthi izinkinga zezwe zokucinywa kukagesi zizoxazululeka.
Kuxwayiswa ngesifo samarabi esifundazweni saKwaZulu-Natali lokhu kulandela ukuthi umfana omncane waseMpangeni ethole lesisifo. Ngokuchaza komndeni osakhungathekile uBandile obeneminyaka emihlanu(5) ubedlala nabangani bakhe kukholakala ukuthi kube sekuqhamuka izinja ezintathu(3) zabajaha ngesikhathi bebaleka uBandile ube esekhubeka wawa nokulapho inja ibe isimuluma khona, emva kwesonto lesehlo senzekile umawakhe ube esemuhambisa esibhedlela ngoba ebona ukuthi akaphilile ube esedlula emhlabeni emvakwezinsuku ezimbili engeniswe esibhedlela.
Ezokuvakasha eKZN zinethemba lokuthi imizamo yazo yokuqinisekisa ukuthi imakethe yaseGermany ivakashele eNingizimu Afrika izothela izithelo ezinhle.
Usuku lombhikisho wangoMsombuluko womhlaka 20 Mashi alubanga impumelelo ngokubona kukahulumeni wakuleli ngoba ababhikishi ihlulekile imizamo yabo yokufuna ukucekela phansi izakhiwo kanye nempahla, lokhu okwenze ukuthi kugcine kuqoqwe inqwaba yamathayi, kwaphinde kwabanjwa kwaboshwa inqwaba yabantu.
